កម្លាំងនគរបាលគ្រឿងញៀនបញ្ជូនខ្លួនជនសង្ស័យ ៣នាក់ទៅតុលាការ
05-February-2019 | ដោយ ពលមនសិការ
សៀមរាប៖ នៅព្រឹកថ្ងៃទី៥ ខែកុម្ភៈ ឆ្នាំ២០១៩ កម្លាំងនគរបាលការិយាល័យប្រឆាំងគ្រឿងញៀន បញ្ជូនជនសង្ស័យ៣នាក់ ទៅអយ្យការអមសាលាដំបូងខេត្តសៀមរាបចាត់ការតាមនីតិវិធី ពាក់ព័ន្ធករណីប្រើប្រាស់ដោយខុសច្បាប់នូវសារធាតុញៀន។
មន្ត្រីនគរបាលខេត្តសៀមរាបបានឱ្យដឹងថាកម្លាំងនគរបាលការិយាល័យប្រឆាំងគ្រឿងញៀន ឃាត់ខ្លួនជនសង្ស័យ៣នាក់ ករណីរក្សាទុកជួញដូរ និងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន នៅភូមិត្រពាំងសេះ សង្កាត់គោកចក ក្រុង/ខេត្តសៀមរាប កាលពីថ្ងៃទី០៤ ខែកុម្ភៈ ឆ្នាំ២០១៩ វេលាម៉ោង១២និង២០នាទី។
មន្ត្រីនគរបាលដដែលបន្តថាជនសង្ស័យទី១-ឈ្មោះ ព្រេមប្រុស ភេទប្រុស អាយុ១៤ឆ្នាំ មុខរបរមិនពិតប្រាកដ ទីលំនៅភូមិត្រពាំងសេះ សង្កាត់គោកចក ក្រុង/ខេត្តសៀមរាប(រក្សាទុកជួញដូរនិងចាត់ចែង)(មានសារធាតុញៀនក្នុងខ្លួន),
ទី២-ឈ្មោះ សូរ វ៉ច ភេទប្រុស អាយុ១៩ឆ្នាំ មុខរបរមិនពិតប្រាកដ ទីលំនៅភូមិត្រពាំងសេះ សង្កាត់គោកចក ក្រុង ខេត្តសៀមរាប(សម្រួលចាត់ចែងនិងប្រើប្រាស់)(មានសារធាតុញៀនក្នុងខ្លួន), ទី៣-ឈ្មោះ រិទ្ធ ពន្លក ភេទប្រុស អាយុ២៦ឆ្នាំ មុខរបរមិនពិតប្រាកដ ទីលំនៅភូមិគោកតាចាន់ សង្កាត់គោកចក ក្រុង/ខេត្តសៀមរាប(ចាត់ចែងនិងប្រើប្រាស់)(មានសារធាតុញៀនក្នុងខ្លួន)។
ដកហូតវត្ថុតាងរួមមានៈម្សៅមេតំហ្វេតាមីនប្រភេទទឹកកកចំនួន០២កញ្ចប់ ស្មើនឹងទំងន់០,៨ក្រាម (ទាំងសំបក)ទូរស័ព្ទដៃចំនួន០៣ គ្រឿង ៕
ចំនួនអ្នកទស្សនា
- ថ្ងៃនេះ4171
- ម្សិលមិញ11441
- សប្តាហ៍នេះ34001
- ខែនេះ149151
- ឆ្នាំនេះ149151
- សរុប20591607